Sit de coltura e attualità in lengua milanesa

Invia i tuoi messaggi a: info@elmilanes.com

---

GIÒ I MAN DA STI FIOLITT

TSUNAMI Pòchi, ma pòchi saveven se l’era, menter adèss tutti el sann se l’è, n’avariom faa a men volentera, gh’ha s’ceppaa el coeur dal dispiasè, tsunami l’onda anomala del mar, fortuna che la ven tanto de rar. L’ha scombossolaa el mond asiatich, con violenza che gh’ha dell’incredibil, èmm anmò in di oeugg chi or drammatich, or e dì che hinn staa verament terribil, on paradis terrestre s’è distrutt, e hinn staa assee pochissim minutt. On mond meraviglios l’esist pù, ghe vorarann di ann per mettel a pòst, ma chi popol gh’hann di grand, bei virtù, a laorà e fadigà hinn tucc dispòst, ai disaster da semper hinn abituaa, ma da tutt el mond sarann aiutaa. Anca l’Italia s’è mobilizzada, per portà di aiutt e tanti speranz, persin la geografia l’è s’è mutada, l’ha roinaa el paradis di vacanz, chì pòst sarann pù come prima, istèss, podeven fà quaicòss? tutt sto progrèss?

Cont i satellit a vedom tusscòss, tutt quèll che succed in del nòster mond, e chì sta pròppi el grand paradòss, quèll che me fà diventà furibond, ona specie d’allarme doveven dall, gh’avariom nò avuu stì mòrt sui spall. Sperèmm che sta lezion la serviss, e che succederann pù stì brutt disaster, altrimenti ghe saria d’irrabiss, voraria dì chè sèmm pien d’impiaster, tutt i risors nun gh’èmm de mètt insèma, per faggh pù patì stì gran brutt patèma. La scienza la serviss per la guèrra, purtròpp mè par che sia pròppi inscì, mettemela al servizzi de la tèrra, ma come se fà a faghela capì, ai governant dervemegh ben la ment, se de nò de sto mond resta pù nient. del Renato Colombo