Povertà: giontegh on pòst a taola tutt i
domènegh
Ròma, la povertà in Italia la crèss, aumenten
i senza fissa dimora, soratutt tra i immigraa. A sostegnil l’è
l’Osservatòri de Milan che per quèst el và a propònn de amplià
l’inizziativa, “giontègh on pòst a tavola” che tutt i ann a Natal la se
fà a Milan e a Ròma, a tutt el territori nazional e tutt i domènegh.
L’osservatòri de Milan el propòn
l’inizziativa, fin adèss legada al Natal, per fà in manera che la
diventa on’abitudin settimanal per quei famili che voeuren offrì on past
a chì gh’è n’ha de Bisògn. |
L’è durada trii minutt la non-cerimònia de
Milan
MILAN, nissuna cerimònia pubblica, come previst, per l’inaugurazion de
l’Ann Giudiziari a Milan, a causa de l’inagibilità de qualche settor del
Palazz de Giustizia.
Tutt el s’è risòlt in trii minutt, in de la sed di Giudes del Laô, in
via Pas, con la consegna, da part del Procurador General Mario Blandin,
de la soa relazion al president de la Cort d’Appèll Giusèpp Grechi.
A la consègna eren present el Procurador de la Repubblica, Manlio Minal,
el President del Tribunal, Vittòri Cardaci, el president de l’ordin di
avocatt de Milan, Paolo Giuggioli e alcuni Magistraa de la Cort
d’Appèll, tucc eren senza la tòga. |
Esplosion in d’ona palazzina nel milanes, on
ferii legger
Ona esplosion la s’è verificada quèsta
mattina in d’ona palazzina abbandonada de San Giulian Milanes, la cà de
duu pian l’è stada sventrada. Domà ona persòna l’è restada ferida
leggerment. El s’ciòpp, probabilment per ona fuga de gas, l’è avvegnuu
pòcch dòpo i ses or in on quartier central de la cittadina. El ferii, on
italian de 47 ann, l’èra on passant colpii da on poo de calcinazz. |
Faa foeura a colp de rivòlver nel milanes
LAZZA, on òmen l’è staa faa foeura a Lazza,
comun visin a Monza.
La vittima Giusèpp Deni, 32 ann, calabres,
l’era staa tutt el dopodisnaa in compagnia de trii alter calabres,
quaivun de lor, delinquent come el Deni per spacc de dròga. Per el
moment gh’è nissuna persòna fermada. L’òmen, che se sospètta, legaa a la
mala local, l’era da temp a Milan. L’era sposaa e pader de trii fioeu. |
Dròga, ferii 4 carabinier e on marocchin in
del milanes
Quatter carabinier e on marocchin hinn restaa ferii in serada nel
milanes in del cors d’ona operazion antidròga, , l’è succeduu in vers i
22 de ier a la periferia de Rho. I militar doveven controllà, dopo ona
segnalazion per dròga, duu extracomunitari che seren fermaa in on’auto
in ona zòna isolada. I carabinier vegnuu giò da la soa auto s’hinn
avvicinaa a la vettura, ma i duu hann cercaa de metti sòtta, vun di
carabinier l’ha sparaa e l’ha colpii el marocchin a la guida. Arrestaa
l’alter. |
Sòsta imprevista d’on trèno per i bagn foeura
uso
I bagn fonzionaven minga e per permètt a dò
dònn che viaggiaven sul treno de dovrà la toilette, el s’è fermaa a la
stazion pussee visina. L’episòdi succeduu el primm de genar in su la
tratta Erba-Milano, de la ferrovia nord, l’è staa contaa da ona
insegnant che la viaggiava anca lee sul treno. Second quèll chè l’avaria
contaa, i gabinètt eren tucc saraa e, vist che i dò dònn gh’aveven ona
certa urgenza, el controllor dòpo ona certa insistenza i a faa scend a
la prima stazion e i avaria aspèttaa, inscì a l’è staa. |
I aziend pussee stimaa al mond: 14 italian, la Ferrari al orimm pòst
Davos, la Ferrari la vinc ancamò . anca quèst’ann, per el second ann
consecutiv, l’è l’azienda italiana pussee stimada dai maneger e capitan
d’impresa de i mila principal società del mond.
In la classifica mondial, compilada da Pricewaterhouse-Coopers, la mètt
in evidenza ona scarsità d’impers italian. El cavallin ch’el rampega l’è
in 60 posizion, da quèsta slassicica l’è sparida la Fiat, che l’ann
passaa la vedeva al quart pòst. Tra i 14 aziend italian pussee stimaa,
dòpo la Ferrari gh’è la Pirèlli e la Luxottica, a seguì Barilla,
Ferrero, Benetton, Eni e Armani.
Poeu gh’è on gruppètt de noeuv entrad, el grupp Generali, l’Unicredit,
Della Vall, Merlon, Enel e Agip Petroli, se la classifica per società
l’è puttòst avara de presenz tricolor, tra i primm 34 top-maneger
mondiai ben in trii parlen italian, el primm l’è el March Tronchètt
Provera de Pirèlli Telecom al 24 pòst de la classifica mondial, ghe poeu
Alessander Profumm de l’Unicredit e el Luca Corder de Montezemol de la
Ferrari, rispettivament al 31 e al 34 pòst. |
Mort macellar che l’ha bevuu per sbali acid
moriateg
Còmm, mòrt el macellar del policlinich de
Padoa, l’era in attesa d’on intervent chirurgich, l’òmm Claudio Favarin,
on macellar de Cantù, de 35 ann, ch’el 11 november passaa l’era staa
ricoveraa in condizion gravi dòpo che l’aveva bevuu per sbali dell’acid
muriatich da ona bottigliètta d’acqua mineral.
Per duu mes l’è restaa in rianimazion per i
gravi lesion riportaa, el Favarin l’era staa trasferii in del repart de
rianimazion pòcch dì fa, se sperava in on possibil recuper.
Purtròpp, on’attim prima de vèss sottopòst a
on delicaa intervent chirurgich per la ricostruzion de l’esofegh, el 35
enne l’è restaa vittima d’ona probabil emorragia interna.
El lassa la miee e duu fioeu . Dòpo che
l’haveva bevuu l’acid, i carabinier pensaven ad ona intossicazion
alimentar, ma i accertament faa in de l’azienda che la produss l’acqua
mineral e prèss el rivendidor, el supermercaa in doe lavorava, hann
esclus stà ipotesi.
Pòcch dì fà el macellar l’era staa sentii dal
magistraa che conduss l’inchiesta e l’aveva sostegnii che l’aveva bevuu
l’acid per sbali, per sto motiv l’inchiesta l’era stada archiviada.
|
Moda, fèsta a Milan per la nascita de “attraction models”
Calciador, stilisti, e facc de la tv hann festeggiaa i dì passaa a Milan
la nascita de “attraction models” la noeuva agenzia de mòda lanciada dal
Stefano Sammarini, per pussee de des ann organizzador de eventi sportiv
e menager de tanti atleti important “ da Myers a Sanguinètti” a la fèsta
in del noeuv e gemò a la mòda local v. Giòia 69 hann pertecipaa i
giogador del Milan Costacurta, Pancher e Borrièll, l’ex velina
Elisabètta Canalis e el stilista Renato Balèstra. |
Superenalòtt
La Lombardia la region pussee premiada
Lombardia, Puglia, Lazio, Campania, Veneto hinn nell’ordin i region
pussee fortunaa del 2003 al superenalòtt, la Lombardia l’è salda al
primm pòst da ben cinch ann, l’ha portaa a cà nel 2003 177,8 milion de
euro de premi vinciuu, al second pòst la Puglia che de ses n’ha centraa
vun e de 5+1 domà duu per on total de 79,3 milion. Sicilia e Piemont
confermen rispettivament i sò 7° e 8° pòst in classifica. Ultima quèst’
ann la Vall d’Aòsta preceduda dal Molis ventesima con 2,1 milion de euro
portaa a cà e da la Basilicada desnoeuvesima con 4,6 milion
complessivament vinciuu.
|
Laô, infortuni: gl’immigraa ris’cien de pù
Ris’c infortuni per i lavorador immigraa, dò
vòlt e mèzz pussee de i lor collega italian.
Tra quèst’ultimm gh’è on infortuni ògni 25
tra gl’immigraa vun ògni des. A dill l’è l’Istitutt Italian de Medesima
Social. La graduatoria la se derva in Lombardia (13.063 incident) Venet
(11.010) Emilia Romagna (10.823). Poeu a seguì Piemont (3.658) Toscana
(3.379) March (3.130) Friuli (2.979) Trentin Alt Adig (2.259) Lazio
(1.650) Umbria (1.602) e l’Abruzz con (1.162). Edilizia, agricoltura,
terziari hinn i settor maggiorment colpii da gl’incident . In del 2001
hinn staa risarcii nel total 641.106 infortuni. De quèsti 58.494 eren
per lavorador nassuu all’ester con la seguent ripartizion: agricoltura
5,5%, industria 57.3%, servizi 28%, alter settor 9.28%. |
90 ann lù, 86 ann lee
Castellucc “Mantoa” lù 90 ann e lee 86,
s’hinn sposaa denanz al sindich de Castellucc, festeggiaa da ona desèna
de parent. S’eren conossuu nel 1985, quand eren al mar cont on viagg
organizzaa dal comun. Poeu s’eren perduu de vista fin al 1990 quand lee
la s’era trasferida visin a l’appartament de lù, che nel frattemp l’era
restaa vedov. |
|
|
|
