Sit de coltura e attualità
 in lengua milanesa		 Invia i tuoi messaggi a:
info@elmilanes.com		 *




Scisger e tempiaa de Porscèll
 ceci e tempia di maiale

Questa cara la mia gent l’è ona ricètta (rezipe arc.) d’ona vòlta, de quei che faseven i nòster nònn e che adèss purtròpp se usen pù. Al dì d’incoeu ghe la cusina integral, macrobiòtica, se guarden i calorii, fà de gnient se poeu i pèss gh’hann el mercuri i gainn l’influenza e i vacch hinn diventaa balord, sperèmm che al porscèll ghe capita mai nient stariom frèsch altriment.

Bisògna mètt i scisger in d’ona tazzina con acqua frèggia doe prima te ghe stemperaa on cuggiaa de bicarbonaa, sto laorà chì te ghe fall el dì prima.

Mètt in sul foeugh ona pignatta d’acqua frèggia senza saa, fà coeus i scisger per circa quattr’or, semper querciaa e cont on legger sorbui.

In on’altra pignatta fà andà a lèss la lonza con la tempia de maial (porscèll), poeu giuntegh i verdur tajaa e l’erbasavia, sala e impevera ben.

Ona mèzz’ora prima che scisger e la carna sien còtt mètti insèma per fai insaorii ben ben, in taola te servaree ona minèstra bèlla spèssa con de sora ona spolverada de grana grattaa.

Come vin mì ghe bevaria on bèll Dolzètt d’Alba on Carema, on Gattinara o ona bèlla Barbera d’Alba.
Se poeu vorii invidamm semper a vòstra disposizion per on assagg.