Sit de coltura e attualità
al cent per cent in lengua milanesa
Invia i tuoi messaggi a:
info@elmilanes.com

IN DOE SII FINII?
del Renato Colombo

Tòcch de Milan che gh’hinn pù
chissà in doe sii finii?

Ve cerchi, ve cerchi sù,
ma purtròpp sii tucc svanii
sii restaa in la mia ment
in mezz ai mè sentiment.

La Milan che l’è sparida
la Milan di temp indree
dess te see tutta ferida
el mè coeur l’è presonee
sarà sù in del coramm
cont el sangh ch’el va a geramm.

Tòcch de Milan, de poesia
disegnaa di nòster vegg
dess semm chi con frenesia
gh’emm pù ne oeugg, ne oregg
vedom e sentom pù nagòtt
l’è calada giò la nòtt.

Mì te voeuri ben l’istess
podi nò stà senza tì
la mia Milan del progress
lassom mai in depermì
el mè coeur l’è tutt ferii
per quei tòcch che hinn sparii.


POESII