Sit de coltura e attualità
 in lengua milanesa		 Invia i tuoi messaggi a:
info@elmilanes.com


...el Max Pisu

• El sit e la data de nascita: Milan, el 23 de Genar del 1965
• La situazion familiar: sposaa de 7 ann con la Michela
• Fioeu: el Matteo, de 5 ann, e la Giorgia, de on ann e noeuv mes
• El passatemp: el fòlball giugaa
• I impègn de lavorà del moment: attor còmich
• I progett: attor còmich.

 1. On quaicòss de quand te seret fioeu e che te pias regordà.
     Quand, de piscinin (gh’avevi quattr’ann circa), rivavi appèna a la tassa del water
     cont el pissiroeu; de colp el s’è saraa sù el coèrc... ahaia!

2. La toa favola preferida.
    El Pinocchio, del Carlo Collodi.

3. Cosa te avriet vorsuu fà de grand?
    El dentista.

4. Se te tornasset ai ann de la scoeula?
    Mama che salvan!

5. La toa bèstia preferida.
    El cavall, preferibilment l’entrecòt.

6. Mar o montagna?
    El mar.

7. La toa squadra del coeur?
    La vèggia Sciora.

8. El primm amor?
    …me ‘l regòrdi pù!

9. Per on primm appontament, l’è pussee mej: on disnà, el cine o el teater?
    Ona śénna a cà… possibilment svèlta, sperand poeu de podè fà de l’alter.

10. Se te invidi a disnà, se l’è che te prepari?
      El cavall de prima.

11. Te gh’hee pussee amis o nemis?
      Speri pussee amis.
 
12. Hinn pussee mej i òmen o i dònn?
      Che domand! El soo nò!

13. Biond o scur?
      Anca sensa i cavèi hinn minga mal!

14. Ritmo lent o svelt?
      Men de 130 e cont i sent de sicurèssa, se de nò me tiren via i pont…

15. El vestii el fa el pret?
      Per mì… l’è la sarta che la fa el vestii…

16. Giò de la torr…
      Semper el govèrna, qualunque el sia.

17. El tò film preferii.
      Schindler’s list, del Steven Spielberg.

18. El liber che te vorarisset legg anmò.
      Fontamara, de l’Ignazio Silone.

19. Qual la podaria vèss la colònna sonòra de la toa vita?
      Il ragasso della via Gluck, de l’Adriano Celentano.

20. L’avveniment del 2003 che el t’ha faa pussee impression.
      L’attacch a l’Iraq.






El Max Pisu
in di pagn
del Tarcisio, protagonista
al Zelig.