in lengua milanesa
info@elmilanes.com
|
|
|
Sit de coltura e attualità in lengua milanesa |
Invia i tuoi messaggi a: info@elmilanes.com |
    |
...el
ZUCCHERO de la Sonja Annibaldi
- intervista del 2004 Desdòtt ann de laorà per registrà tant material prezios e ben dò or de studi d’incision per remissà, rimasterizzà, arrangià in manera splendida ben 18 duetti realizzaa con la complicità de straordinari rockstar. El noeuv album de Zucchero se ciama “Zu&Company”e l’è l’ideal seguit del precedent album “Shake” on splendor. La maggior part di duetti, el spiega l’artista emilian, hinn de tant temp adree, quand el mè menager, ch’el domandava d’incontrà i artisti per faggh conoss el progètt se sentiva rispond “Zucchero who” a l’ester me conosseven nonanmò e l’è per quèst che in manera scherzosa avevi pensaa de intitolà sto album “Zucchero chi?”, poeu i ròbb s’hinn miss decisament mej... Gh’èmm minga de dubbi e vun di pussee emozionant inconter de la soa vita l’è di temp d’onalontana vacanza ai Maldiv e a ona incredibil quanto inaspettada telefonada...l’era febrar e seri in vacanza, la sabbia l’era calda e gh’avevi visin mia miee Angela con l’intenzion de ricusìel mè matrimoni che l’andava minga tròpp ben. Al telefono m’hann dii che Davis l’aveva scoltaa el mè tòcch “Dune mosse” e voreva conossom per sonal insèma. El matrimoni s’è ròtt definitivament, ma gh’è nassuu ona straordinaria collaborazion. Pòcch dì adree seri con lù in sala d’incision, me dava di consili e me voreva visin a lù, perché diseva che le caregavi d’energia. S’eri tutt emozionaa. El nòmm de Zucchero Fornaciari l’era dree pian pian a fass conoss in tutt el mond e ghe dava ona gran carica e ona rinnovada vèna creativa, continoava a componn canzon. On dì l’ha deciduu de sarass su in ona baracca in riva al mar in compagnia del sò can, d’on liber de poesii de Bukowski e d’on poo de dischi de Puccini. L’è nassuu inscì el “Miserere”. Andrea Bocelli, on giovin tenor a chì temp ancamò minga conossuu, gh’aveva fornii la vos per el provin. Zucchero l’ha inscì decis de contattà Luciano Pavarotti per domandagh d’interpretà la canzon con lù, ma lù né voreva minga saveghen, diseva che mai l’avaria cantaa musica pop. A sto pont ricorda el bluesman, hoo faa on gest disperaa e hoo buttaa el naster denter el camin e gh’hoo dii che gh’aveva nessun sens cantal cont on alter, lù l’è restaa colpii da sto gèst e s’è spaventaa pensava che l’era l’unica còpia, saveva minga che ghe n’avevi ancamò a cà, ma intant l’aveva cambiaa idea e gh’èmm cominciaa a registrà a cà soa... In del cd. l’artista l’òspita divers moster sacri de la musica, da Eric Clapton, a Sting, da B.B. King a l’indimenticabil John Lee Hooker. E i ricòrd se accavallen...Sting el resta vun di mè grand amis, se sèmm incontraa a ona fèsta in Toscana e lù m’ha confessaa ch’el mè tòcch “Madre dolcissima” l’era vun di sò preferii, l’è inscì nassuda ona bellissima collaborazion e ancamò incoeu se scambiom...l’òli d’oliva che fèmm in di nòster tegnuu de campagna! Eric Clapton l’hoo conossuu 15 ann fà in Sicilia e l’è staa pròppi grazie a lù se, l’ann dòpo, me son trovaa a sonà a la Royal Albert Hall de Londra e a faggh de suppòrter in la soa tournee europea. L’è staa inscì che me sont affermaa a livèll internazional. Che dì di alter? B.B.King l’è on grand bluesman e ona persona straordinaria dal pont de vista uman.
|
