Sit de coltura e attualità in lengua milanesa

Invia i tuoi messaggi a: info@elmilanes.com

La Teresa Alice Graci

i domand de la Teresa a... ...a Alice Graci "MISS PADANIA 2004" El sit e la data de nascita: 11/04/86 ad Alessandria • El passatemp: la palèstra • Impègn de laorà al moment: frequenti el quart ann del liceo magistral de Alessandria. A sto moment sont impegnada in di intervisti del dòpo concors • El mè progètt: ciappà el diplòma. Se l’è che t’ha spingiuu a partecipà al concors de Miss Padania? Sont orgogliosa d’avè partecipaa a on concors inscì important. Me ritròvi in di valor e in di tradizion che stà manifestazion la pòrta avanti. Quali hinn i tò aspettativ? Me auguri de portà in alt el nòmm de la Padania nel cors de l’ann e, scòla a part, speri ch’el concors el me aiutta a realizzà on sògn… laorà in del camp de la mòda. Te penset de diventà ona noeuva velina? Se le me vegniss offèrta la possibilità de fà la velina forse rifiudaria minga comunque i mè progètt hinn alter. Te ghe el moros? Nò. Che studi te faa? sont adree frequentà el quart ann del liceo magistral. In on doman l’intenzion l’è de iscrives a l’università. La toa squadra del coeur? La juventus. El tò primm amor t’el se ricordet? Si gh’avevi 13 ann l’è stada ona stòria corta, ma tanto romantica. I tò liber preferii? Romanz drammatich. In doe te piasaria andà se t’arrivass on invid d’ona persòna che la te interèssa? A Los Angeles, son coriosa de conoss ona cultura inscì divèrsa da la nòstra. Te ghe pussee amis mas’c ò fèmmin? Fèmmin. Te preferiset pussee ona amicizzia fèmminil ò maschil? Credi che l’amicizzia maschil la sia pussee sincera. Comunque a gh’hoo pussee amis dònn. Come te pias vestì? Casual, ma me pias abbinà vestii elegant e sportiv. E la musica? In gèner tutta la bèlla musica. Tra i artisti italian Vasco Rossi e Carmen Consoli. L’avveniment del 2003 che pussee t’ha colpii? Senza dubbi la guèrra in Iraq. El liber? Le bianche dune della Cornovaglia de Rosamunde Pilcher. El film? A Beatiful Mind con Russel Crowe. On desideri per el tò futur se te piaseria? Voraria che ghe fudèss la pas in tutt el mond. Personalment me auguri de vèss felice come el sont adèss.