Sit de coltura e attualità in lengua milanesa

Invia i tuoi messaggi a: info@elmilanes.com

I LEGNANESI La Teresa La Mabilia

i domand de la Teresa a... ...l'Enrico Dalceri "La Mabilia" El sit e la data de nascita: Monza, el 15 de Ottober del 1960 La situazion familiar: vivi cont Dina un Beagle de 7 ann El passatemp: la mùsica in gener I impègn de lavorà del moment: dirigent da on famos stilista milanes I progett: sogni de podè recità nel cinema. 1. On quaicòss de quand te seret fioeu e che te pias recordà? Certament ch’el ricòrdi! Hoo brusaa on garage, per fà come i grand che pizzaven i foeugh per la ricorrenza de Sant Antòni. Che entusiasmo all’arriv di vigil del foeugh. 2. La toa favola preferida? Cappuccetto Rosso. S’eri incuriosii dal loff ch’el se vestiva cont i pagn de la nòna. 3. Che ròba t’avariet voruu fà de grand? El veterinari, ma tucc chi esam de fà m’hann faa cambià idea. 4. Se te tornasset ai ann de la scoeula? Ehhh, studiaria pussee, senza però lassà i divertiment. 5. La toa bèstia preferida? El can, per la soa fedeltà e perché el sà perdonà. 6. Mar o montagna? Mar in estaa, montagna l’inverna, ma quando mai podaria andà? 7. La toa squadra del coeur? La juventus, ma de calcio capissi nagòtt. 8. El primm amor? Antonèlla, la dimenticaroo mai, ona tosa intelligent, bèla, simpatica, foeura del normal. 9. Per on primm appontament, l’è pussee mej: on disnà, el cine o el teater? Zèna ovviament , domà a taola te podet esprimm el tò penser, cont i oeugg, i discors, la gestualità. 10. Se te invidi a disnà, se l’è che te prepari? Va tutt benone. 11. Te gh’hee pussee amis o nemis? Preferissi parlà de chì me voeur ben: Luca Pozzoni, Ivano Sala, Luca Frezza, el rèst m’interèssa nagòtt. 12. Hinn pussee mej i òmen o i dònn? I òmen l’è ovvi, i dònn rompen i scatol, ma se fariom cossè senza de lor? 13. Biond o scur? Morettin 14. Ritmo lent o svelt? Svelt, i persònn lenti me dann fastidi, la vita l’è corta per quèst bisògna corr. 15. El vestii el fa el pret? Assolutament sì. 16. Giò de la torr… Bho! 17. El tò film preferii. El ris amar con la Silvana Mangano l’hoo anca conossuda, incoeu el Signor di Anei e Chicago. 18. El liber che te vorarisset legg anmò. Narcis e Boccador de H.Hesse, l’amicizzia, meraviglios. 19. Qual la podaria vèss la colònna sonòra de la toa vita? I quatter stagion de Vivaldi 20. L’avveniment del 2003 che el t’ha faa pussee impression. Senz’alter la granda strag di torr gemei de Nuova York, ancamò incoeu a ricordala continoi a commoeuvem.