Sit de coltura e attualità in lengua milanesa

Invia i tuoi messaggi a: info@elmilanes.com

---

Ghe voeur misura Incoeu m’han insegnaa ona lesion per diventà in la vita pusee ansian, fa tucc i robb con moderasion andà pianin e inscì pusee lontan. Minga abufass con tanti mangiarin, riposà i oss dopo ‘l laorà, cont i esercisi comincià ‘l matin e in del’amor vess di moderaa. Inscì el coeur el fiada dolcement e tutt el temp el var anmò pusee, invece se se cura propi mient se perd sensa podè tornà pu indree. Gh’è minga cert bisogn d’esagerà, misura l’è ‘l consili per la gent, se riva centenari al’aldilà a fa tuscoss domà col sentiment. de l’Angela Brambilla