Sit de coltura e attualità in lengua milanesa

Invia i tuoi messaggi a: info@elmilanes.com

---

Lady  D. Tragica nòtt, all’improvvisa, nèll’oscurità el crudel destin, on’attim e in men che se disa, poeu davanti, al giudizzi divin, perché te se pù tornada a cà, maledètt el tunnel de l’Almà. Te rincorrevet on noeuv amor, forse te spettavet on fioeu, cont el coeur pien de dolor, el ciel scur coloraa de bloeu, la lettiga, i lus fosforescent, la freggia mòrt visin, lì arent. Te seret giovina, dolza e bèlla, da tutt el mond te seret amada, te brillavet lusenta me ona stèlla, te parevet la pussee fortunada, sul tò cammin gh’era on’intralc, te spettava la sciora con la falc. L’era ona sera calda, fin d’agost, per tutta Paris te vorevet scappà, de corsa lassi indree a tutti i cost, come se fà con lù fass fotografà, saria staa on scandol in Inghiltèrra, piuttòst l’è mej persin ona guèrra.

La Principèssa da i oggion trist, lassada per on cavallon de dòna, ona bruttèzza che s’era mai vist, ma se sà, perdòna nò la coròna, se te spettavet on fioeu negher, a gh’era pòcch de stà allegher. Mai e mai te l’avarien permiss, d’aveghel, de mettel a sto mond, saria staa on gran brutt pastizz, e i Real avarien toccaa el fond, de l’ered al tròno te seret mama, cont on metizz, alter panorama. La mòrt l’è avvòlta nel misteri, savarèmm mai qual’è la verità, figuremes che grand gibileri, nissun l’andarà mai a desgarbià, te resteree semper in la ment, de quei che gh’hann sentiment. Ona preghiera a tì voeuri fatt, te mandi sù tutti i mè penser, on mazz de fior anca portatt, che te see lì sul celèst senter, pensi a tì con tanta tristèzza, gh’èmm pù la toa giovinèzza. del Renato Colombo