Sit de coltura e attualità in lengua milanesa

Invia i tuoi messaggi a: info@elmilanes.com

---

L’AMIS FEDEL Stavi benone, serii coccolaa, me pareva de vèss el padron de cà, parlèmm nò poeu del mangià, serii pròppi on can fortunaa. Gh’avevi el mè cantuscèll, con ona coverta tutta colorada, savevi pù come passaa la giornada, el mè mond l’era verament bèll. Me curaven, me accudiven, el pel l’era profumaa, nètt e lusent, gh’avevi anca on collarin d’argent, tùtti i dì me pettenaven e spazzetaven. Se vorevi on quaicòss bastava buià, e correva tùtta quanta la famiglia, m’hann comprà la cuccia in ciniglia, per mì saveven pù se doveven fà. La vita l’era pròppi on gran bèlla, giogavi tùtt el dì, seri in paradis, gh’avevi vun, cent, mila amis, la felicità l’era nò domà quèlla. Ma on dì l’è andaa tùtt a borlonon, anmò adèss gh’hoo de capì perchè da rè che seri son diventaa lacchè, hoo cominciaa ona vita de barbon. Per lor gh’hoo semper avuu rispètt, perché allora m’hann abbandonaa?, on gir in auto, poeu giò scaraventaa, taccaa a la stazion visin a on murètt. E adèss come foo a trovà de mangià?, son minga abituaa a stà vita de galera, chissà se vedaroo ancamò la primavera, el frègg st’inverna gh’hoo de sopportà. S’hinn minga comportaa con fà sèri, mi el me dover l’hoo semper faa, la fedeltà e l’amor tùtt gh’hoo daa, se làssa nò on amìs per andà in fèri. Renato Colombo